“Barselona”nın sabiq futbolçusu, hazırda Qətərin “Əl-Sədd” klubunu çalışdıran Xavi Messinin PSJ-yə keçidinə münasibət bildirib.

Rekord.az xəbər verir ki, Xavi Leonun “Barsa”nı tərk etməsinə üzüldüyünü bildirib.

O, Messini başqa klubun formasında təsəvvür etmədiyini də bildirib:

“Çox təəssüflənirəm ki, Leo ilə klub razılıq əldə edə bilmədilər. Amma onu bilirəm ki, Messi qalmaq istəyirdi.

İndi yalnız onu deyə bilərəm ki, Leodan sarı çox darıxacağam. Messinin başqa klubun formasında görmək olduqca ağırdır.

Buna görə çox üzgünəm. Onun vida mərasimindəki reaksiyasını nəzərə alaraq deyə bilərəm ki, “Barsa”dan ayrılmaq Messi üçün də ağırdır”.