Tovuz Taekvondo Klubunun idman zalında "Heydər Əliyev İli" çərçivəsində yeniyetmə və kiçik yaşlı idmançılar arasında Tovuz rayon turniri keçirilmişdir.

Rekord.az xəbər verir ki, əvvəlcə torpaqlarımızın azadlığı və bütövlüyü uğrunda canlarını fəda etmiş Şəhidlərimizin və Azərbaycan xalqının Ümummilli Lideri Heydər Əliyevin əziz xatirəsi bir dəqiqəlik sükutla yad edilmişdir.

Qazax-Tovuz Regional Gənclər və İdman idarəsinin Tovuz rayonu üzrə Gənclər və İdman sektorunun müdiri Vasif Abdullayev çıxış edərək idmançıları salamlamış, Ulu Öndər Heydər Əliyevin nümunəvi həyat və fəaliyyəti haqqında iştirakçılara geniş məlumat vermiş, belə xatirə turnirlərinin mütəmadi olaraq keçirildiyini diqqətə çatdırmışdır. Gərgin idman mübarizəsi şəraitində keçən yarışda qalib olmuş idmançılar müvafiq olaraq diplomlarla təltif olunmuşlar.