Yevlax Şəhər İcra Hakimiyyətinin, YAP Yevlax rayon təşkilatının, Gənclər və İdman İdarəsinin birgə təşkilatçılığı ilə Ümummilli Lider Heydər Əliyevin anadan olmasının 100 illiyinə həsr olunmuş idarə, müəssisə və təşkilatlar arasında mini-futbol üzrə rayon turniri keçirilib.

Rekord.az xəbər verir ki , Ulu Öndər Heydər Əliyevin əziz xatirəsinə həsr olunmuş mini-futbol turnirinin keçirilməsində məqsəd gənclər arasında sağlam həyat tərzinin təbliği, onların öz asudə vaxtlarını səmərəli keçirməsini təmin etməkdən ibarət olub.

Kubok uğrunda mübarizə aparan komandalardan Yevlax “Arfa mebel” komandası 1-ci yeri, Yevlax “Mühafizə polisi” komandası 2-ci yeri, Yevlax “Azəriqaz”İB” komandası 3-yeri tutub.

1-ci yerin qaliblərinə kubok və diplomlar,2-ci və 3-cü yerin qaliblərinə isə diplomlar təqdim olunub. Həmçinin komandalara hədiyə kuponları, futbol topu təqdim edilib, xatirə şəkilləri çəkilib.