Qızıl Avropa Liqasında mübarizə aparan Azərbaycanın voleybol üzrə yığma komandaları sabah növbəti oyunlarına çıxacaqlar. "Rekord.az" xəbər verir ki, həm qadınların, həm də kişilərin yarışında 2-ci tur 24-26 may tarixlərində baş tutacaq.

Hər iki millimiz ikinci turun oyunlarını səfərdə keçirəcək. Qadınlardan ibarət yığmamız Rumıniyada, kişi voleybolçularımız isə Belçikada meydançaya çıxacaqlar.

Faiq Qarayevin yetirmələri mayın 24-də yerli vaxtla saat 17:00-da ev sahibi ilə üz-üzə gələcəklər. Millimiz növbəti oyununa isə mayın 25-də çıxacaq. Yerli vaxtla saat 17:00-da start götürəcək bu görüşdə rəqibimiz İsveç kollektivi olacaq.

Kişi millimiz ikinci tur çərçivəsində mayın 24-də Belçika yığması ilə üz-üzə gələcək. Növbəti gün isə komandamızın rəqibi Şimali Makedoniya millisi olacaq. Hər iki oyun yerli vaxtla saat 17:30-da başlayacaq.

Qızıl Avropa Liqası

Oyunların başlanma saatı yerli vaxtla göstərilib

Qadınlar

II tur (Rumıniya)

24 may

   17:00 Azərbaycan - Rumıniya

25 may

   17:00 İsveç- Azərbaycan

Kişilər

II tur (Belçika)

24 may

   17:30 Azərbaycan - Belçika

25 may

   17:30 Şimali Makedoniya - Azərbaycan