17 yaşadək futbolçulardan ibarət Azərbaycan millisinin Avropa çempionatının seçmə mərhələsindəki rəqibləri bəlli olub.

Rekord.az xəbər verir ki, Miloş Velebitin baş məşqçi olduğu yığmamız Lüksemburq, Norveç və Belçika ilə birlikdə 3-cü qrupda yer alıb.

52 komandanın mübarizə apardığı seçmə mərhələdə hər qrupdan iki komanda və 4 ən yaxşı nəticəsi olan üçüncü yerin sahibi elit mərhələyə yüksələcək.

Niderland və İspaniya elit raunddan mübarizəyə qoşulacaq. Ev sahibi İsrail birbaşa 2022-ci ilin mayında keçiriləcək final mərhələsinə vəsiqə qazanıb.

Qarşılaşmalar 1 iyul - 16 noyabrda olacaq.