Qadın voleybolçular arasında Azərbaycan çempionatında ilin son oyunları baş tutub.  "Rekord.az" xəbər verir ki, bu gün Yüksək Liqanın III turunda Bakıda iki, Gəncədə isə bir oyun keçirilib. 

İlk olaraq GİN-in Voleybol Mərkəzində meydana “Abşeron” və “AZERRAIL” klubları çıxıblar. Gərgin keçən bu görüşdə “Abşeron” 3:1 hesabı ilə qələbə qazanıb. 

Növbəti oyun Gəncə İdman Sarayında baş tutub. Bu matçda meydan sahibi “Gəncə” klubu UNEC-i 3:0 hesabı ilə məğlub edib. 

Turun və ilin son qarşılaşmasında isə “Milli Aviasiya Akademiyası” və “Murov Az Terminal” komandaları üz-üzə gəliblər. GİN-in Voleybol Mərkəzində təşkil olunan bu oyunda 3:1 hesabı ilə “Milli Aviasiya Akademiyası” qalib gəlib.

Oyunların nəticələri 

Yüksək Liqa

IV tur

19 dekabr 

“Gəncə” - UNEC 3:0 (25:8, 25:7, 25:11) 

“Abşeron” - “AZERRAIL” 3:1 (18:25, 25:21, 25:17, 25:16)

“Milli Aviasiya Akademiyası” - “Murov Az Terminal” 3:1 (25:20, 23:25, 25:21, 25:19)