Kişi voleybolçuların Yüksək Liqasında üçüncü yerin sahibi bəlli olub. "Rekord.az" xəbər verir ki, bu gün GİN-in Voleybol Mərkəzində bürünc medal uğrunda “Xilasedici” və “Neftçi” komandaları arasında ikinci görüş keçirilib. Bu komandaların ilk qarşılaşmasında qalib gələn “Xilasedici” cavab oyununda da rəqibini məğlub edib. Bu dəfə 3:1 hesabı ilə qələbə qazanan “Xilasedici” Yüksək Liqanın bürünc medalına sahib çıxıb. “Neftçi” komandası isə çempionatı dördüncü yerdə başa vurub. 

Qeyd edək ki, “Xilasedici”nin oyunçularına medallar final günü baş tutacaq mükafatlandırma mərasimində təqdim ediləcək.

Yüksək Liqa 

Üçüncü yer uğrunda 

İkinci oyun

21 aprel

“Xilasedici” - “Neftçi” 3:1 (25:18, 23:25, 25:17, 25:18)