"Yuventus"un müdafiəçisi Leonardo Bonuççi "İnter"lə İtaliya Kuboku yarımfinalının cavab oyununu buraxacaq.

Rekord.az "La Gazzetta dello Sport"a istinadən xəbər verir ki,  müdafiəçi sağ ombasında problem yaşayır. Zədə ciddi deyil, amma İtaliya klubu Çempionlar Liqasının bərpası ərəfəsində risk etmək istəmir.

Qeyd edək ki, "Yuventus" - "İnter" görüşü sabah keçiriləcək. Bu komandalar arasında ilk oyunda Turin klubu 2:1 hesabı ilə qalib gəlib.