Bildiyiniz kimi, millimizin sabiq üzvü Zaur Ramazanov bu yaxınlarda verdiyi müsahibəsində AFFA rəhbərliyini sərt şəkildə tənqid etmişdi. Eyni zamanda qardaşı Ağabala Ramazanovun milliyə dəvət alnanaslnbl da qərəzli adlandıraraq, “Sumqayıt”ın prezident-meneceri Riad Rəfiyevə qarşı sərt ittihamlar irəli sürmüşdü.

Rekord.az-a daxil olan məlumata görə, bu açıqlamadan sonra Zaura təzyiqlər başlayıb.

Təbii ki, AFFA tərəfindən. İlk növbədə Zaurun da üzvü olduğu Gənc Veteranlar Birliyi dağıdılıb. Bundan başqa, Ramazanov yəqin ki, iş tapmaq məsələsində də ciddi problemlə üzləşəcək. Eyni zamanda müsahibə ilə bağlı AFFA-dan Zaurla əlaqə saxlanılıb və Elxan Məmmədovun adından ona deyilib ki, bir də buj tip açıqlamalar verməsin. Hətta deyilənə görə, Zaur tv-lərdən gələn təklifləri də geri çevirir.