“Real”ın baş məşqçisi Zinəddin Zidan Çempionlar Liqasının 1/8 finalında “Atalanta” ilə keçirilən cavab qarşılaşmasından sonra fikrilərini bildirib.

Rekord.az xəbər verir ki, ilk oyunda 1:0 hesabı ilə qalib gələn “Real” təkrar qarşılaşmada da rəqibini məğlub edib – 3:1.

O, komandasının əl futbol nümayiş etdirdiyini vurğulayıb:

“Uşaqları təbrik etdim. Onlar bütün oyun ərzində özlərini ən yaxşı tərəfdən göstərə bildilər. Belə rəqiblə oyunda xeyli fiziki güc sərf etməlisən.

Müdafiədə olduqca intizamlı davranmalıydıq ki, bunun da öhdəsindən gəldik. Üstəlik, futbolçularımız top nəzarət baxımından da üstünlüklərini göstərdilər.

Sapatanın epizodunu nəzərə almasaq, rəqib qapımızı yaxınlaşa bilmədi. Adətən, “Atalanta” oyun ərzində çoxlu qol vəziyyəti yaradır.

Luka Modriçlə Toni Krossun anlaşması fenomenaldır. Lukanın, demək olar ki, 35 yaşı var. Amma onun meydandakı hərəkətlərinə baxanda, deməzsən ki, 35 yaşı var”.