UEFA Konfrans Liqasının pley-off mərhələsində keçiriləcək “Zirə” - “Omoniya” (Kipr) oyununun biletləri bu gün saat 13:00-dan satışa çıxarılıb.

Rekord.az klubun mətbuat xidmətinə istinadən xəbər verir ki, biletlərin qiyməti sektorlara əsasən müvafiq olaraq 2, 5, 10 və 20 manat təşkil edir.

Satış məntəqələri “Zirə İdman Kompleksi”  və “Dalğa Arena”dır.

Avqustun 29-da keçiriləcək "Zirə" - "Omoniya" görüşü saat 20:00-da başlayacaq. Bu komandalar arasında ilk matç Kipr klubunun 6:0 hesablı qələbəsi ilə başa çatıb.