Transfer dönəminin fəal komandalarından olan “Zirə” heyətini daha bir futbolçu ilə gücləndirib.

Rekord.az xəbər verir ki, paytaxt klubu “Qəbələ”nin müdafiəçisi Qismət Alıyevi transfer edib. Bu barədə klubun mətbuat xidməti məlumat yayıb.

24 yaşlı oyunçu paytaxt təmsilçisi ilə 2 illik müqavilə imzalayıb. Qismət bu transfer pəncərəsində “Qəbələ”ni “Zirə”yə dəyişən ikinci futbolçu olub. Rəşad Sadıqovun komandası ona qədər “qırmızı-qaralar”dan mozambikli vinger Klesio Bauku transfer etmişdi.

Qeyd edək ki, “Zirə” bu yay Baukla yanaşı, Ruslan Qurbanov, Rəşad Əzizli, Tural Bayramlı, Kərim Diniyev, Rəşad Eyubov, Sərtan Taşkın, Şəhriyar Rəhimov, Lazar Corceviç, Hacıağa Hacılı, Kayo Rangel, Mateus Albino, Dimitrios Çantakias və Ayxan Süleymanlını transfer edib.