“Zirə”də büdcə ilə bağlı qeyri-müəyyənlik davam edir.

Rekord.az xəbər verir ki, buna səbəb çempionatın taleyi ilə bağlı qərarın hələ də verilməməsidir.

Hazırkı durumda “Zirə”nin avrokuboklara vəsiqə şansı var. Onlar 4-cü pillədə qərarlaşan “Sumqayıt”la eyni xala malikdir. Lakin şəxsi görüşlərə görə, “Sumqayıt” 4-cü pillədə qərarlaşıb. Bu isə o deməkdir ki, çempionat yarımçıq dayandırılsa Avropaya “Sumqayıt” yollanacaq. Təbii ki, bu durum “Zirə”yə sərf etmir. Lakin çempionat davam etdirilərsə, o zaman zirəlilər mübarizə sayəsində 4-cü pilləyə sahib olub avrokuboklara yollana bilərlər. Rəhbərlik də məhz bu qeyri-müəyyənliyə görə büdcə ilə bağlı qərar verməyə tələsmir. Çünki onlar yalnız Avropaya vəsiqə təqdirində büdcəni artırmağı düşünür.