"Zirə"nin təhlükəli rəqib olduğunu deyə bilərəm”.

Rekord.az xəbər verir ki, bunu "Osiyek"in (Xorvatiya) baş məşqçisi Federiko Koppitelli Konfrans Liqasının 3-cü təsnifat mərhələsində qarşılaşacaqları "Zirə"ylə oyundan öncə Xorvatiya mətbuatına açıqlamasında deyib.

39 yaşlı mütəxəssis güclü rəqibə qarşı mübarizə aparacaqlarını bildirib: "Zirə" Avropa Liqasında çıxış edən komandalar səviyyəsindədir. Moldovanın "Şerif" komandasına penaltilər seriyasında məğlub oldular. "Zirə"nin təhlükəli rəqib olduğunu deyə bilərəm. Görüşə yüksək səviyyədə hazırlaşmışıq. Pley-offa vəsiqə qazanmaq istəyirik".

Avqustun 8-də keçiriləcək "Osiyek" - "Zirə" matçı Bakı vaxtı ilə saat 22:00-da start götürəcək. Cavab görüşü bir həftə sonra Bakıda olacaq.