Ötən gün “Zirə”nin əsas komandasının üzvlərindən COVID-19 testi götürülüb.⁣

Rekord.az xəbər verir ki, klubun üzvləri təlim-məşq bazasında müayinə olunub. Testin nəticəsi kollektivin heç bir üzvündə pozitiv çıxmayıb. Lakin…

“Zirə”nin mətbuat xidmətinin yaydığı fotoşəkillərdə bir ciddi fakt diqqət çəkir. Söhbət İlkin Muradovun qan analizi verərkən, maskadan imtina etməsindən gedir.

Gənc yarımmüdafiəçi təlimata uymayaraq, onu çənəsinin altında yerləşdirib. Halbuki bu zaman aldığı nəfəs yaxın məsafədəki həkimə təhlükə vəd edir.