“Zirə”nin futbolçusu Davit Volkov Gürcüstan millisinə dəvət alıb.

Rekord.az xəbər verir ki, bu barədə Premyer Liqa təmsilçisinin mətbuat xidməti məlumat yayıb.

Hücumçu ölkəsinin DÇ-2022-nin seçmə mərhələsi çərçivəsində noyabrın 11-də İsveç və 15-də Özbəkistana qarşı keçirəcəyi yoxlama oyunu üçün yığmaya çağırılıb.

Qeyd edək ki, Volkov karyerasında ilk dəfə Gürcüstan yığmasına dəvət alır. 2019-cu ildən Azərbaycanda çıxış edən futbolçu daha öncə “Qəbələ”nin də formasını geyinib.