"Barselona"nın hücumçusu Martin Breytveyt Kataloniya klubunda qalmaq istədiyini bildirib.

Rekord.az xəbər verir ki, danimarkalı futbolçu "Mundo Deportivo"ya açıqlamasında deyib ki, son vaxtlar meydana az çıxsa da, özünü sübut edəcəyinə inanır:

“Barselona”da əla vaxt keçirirəm. O qədər də oynamamışam, amma yaxşı məşqçimiz var və bilirəm ki, özümü sübut etmək imkanım olacaq. Mən çox çalışacağam.

Əvvəllər oynamadığım vaxtlarda oxşar vəziyyətdə olmuşam. İnsanlar deyirdilər ki, oynamayacağam. Amma bu, sadəcə mənim işimdir. Yayda baş verənlər məni narahat etmir. Xavinin rəhbərliyi altında işləməyi xoşlayıram. Onunla çox danışmamışıq, amma Barselonada olmağı xoşlayıram. Kataloniya klubu ilə iki illik müqaviləm var".

Qeyd edək ki, 30 yaşlı futbolçu 2020-ci ildən "Barselona"da çıxış edir. Onun transferə çıxarılacağı haqda xəbərlər yayılıb.