Əliyar Ağayev Millətlər Liqasının oyununu idarə edəcək
- 2022-06-02 14:30
- 409
Azərbaycanın FİFA referisi Əliyar Ağayev növbəti dəfə beynəlxalq təyinat alıb.
Rekord.az AFFA-nın saytına istinadən xəbər verir ki, Ağayev San-Marino və Malta komandaları arasında keçiriləcək UEFA Millətlər Liqasının 2-ci tur oyununu idarə edəcək.
Ona laynsmanlar qismində Zeynal Zeynalov və Akif Əmrəli kömək edəcəklər. Dördüncü hakim funksiyasını Rauf Cabarov yerinə yetirəcək.
İyunun 5-də San-Marinonun Serravalle şəhərində keçiriləcək qarşılaşma saat 17:00-da başlayacaq.