"Qarabağ"ın direktoru Əmrah Çelikel Ağdam klubunun futbolçularının Azərbaycan millisində zəif çıxış etməsi barədə səsləndirilən fikirlərə münasibət bildirib.

Rekord.az xəbər verir ki, "İdman TV"də yayımlanan "İdman detektivi" verilişinin ilk buraxılışında qonaq olan klub rəsmisi bunun sistemlə bağlı olduğunu deyib.

O bildirib ki, futbolçulara hansı oyun üslubunun daha uyğun olduğuna baxmaq lazımdır:  "Bizim üçün yığmaya çox futbolçu vermək şərəfdir. Sevindirici haldır ki, onların sayı günü-gündən artır. Bilirik ki, futbolçularımız vicdanlı, Vətəninə bağlı insanlardır. Millidə nəticə qazanılmırsa, bunda nə bizim, nə də baş məşqçimizin rolu var. İstərdik, yığmanın nəticələri "Qarabağ"dakından da yaxşı olsun ki, bu da bizə əlavə stimul versin".