2024/25 mövsümü üçün transfer çalışmalarına start verən "Sumqayıt" ilk futbolçu keçidini reallaşdırıb.

Rekord.az xəbər verir ki, sözügedən klub son mövsümü "Zirə"də keçirən Rəhim Sadıxovla 2+1 illik müqavilə imzalayıb.

Qeyd edək ki, Rəhim Sadıxov 2019-2022-ci illər arasında da bu komandanın uğurları üçün çalışıb. 27 yaşlı yarımmüdafiəçi bu müddət ərzində bütün turnirlər daxil olmaqla 79 qarşılaşmada meydana çıxıb. O, bu oyunlarda 19 qol və 13 məhsuldar ötürmə ilə yadda qalıb.